Ekintza hau Atxurigorri auzo elkarteak proposatzen du, auzoko tren geltokiaren etorkizunaren inguruan hausnartzen dabilen Lokomotorak prozesuarekin eta zentroko KABIAN lantaldearekin elkarlanean.
Helburua auzoko zonalde desberdinetarako erabilera berriak eta hobekuntzak jasotzen dituzten proposamen kreatiboak lortzea da, modu ludiko eta partehartzaile batean. Eskolako umeen lanen emaitzak Atxurigorrik urtero Eleiz museoko klaustroan antolatzen duen erakusketan ikusgai egongo dira apirila eta maiatzean zehar.
Laster berri gehiago!
Azaroaren 20tik 24ra MUNDUKO IPUINAK ekintza egin dugu.
Ipuin kontalariak etorri aurretik irakasleek talde osoa motibatu egin dute, hizkuntzei buruzko informazioa bilatu da, zenbait esaldi eta agurtzeko era ikasi edota idatzi egin dira, hizkuntza hitz egiten den lekua eta biztanleen gaineko informazioaz ere jabetu egin dira…
Munduko Ipuinak ekintzaren helburuak: 1-Hainbat jatorritako familiei euren kultur aberastasuna eskaintzeko aukera ematea: 2-Eskolako familien arteko hurbilketa eta hauek eskolan parte-hartzea bultzatzea. 3-Umeek eskolako familien jatorrizko kulturaz eta hizkuntzaz jabetzea. 4-Hizkuntza ezezagun batean kontatutako ipuin bat begirunez entzutea. 5-Umeek hainbat kulturatako ipuinez gozatzea. 6-Umeek munduko zenbait kultura eta herri ezagutzea. 7-Ipuina ulertzea hizkuntza ulertzera soilik ez mugatzea, eta beste baliabide batzuek ere aintzatestea: keinuak, doinuak, irudiak… 8-Umeek bere buruan istorio bat osatzea beste hizkuntza batean entzundako ipuinetik, ikusitako irudietatik eta irudikatutakotik abiatuta.
Atxuriko Jaiak eta Eskolako azken eguneko jaiari begira, Atxurigorrik eta Garcia Rivero eskolako Gurasoen Elkarteak umeentzako eta nagusientzako turuten tailerra antolatu dute. Tailerraren helburua da eskolan egiten ditugun jaiak eta auzoko ospakizunak animatzeko turutak eta musika beste tramankulu fabrikatu eta kartoi-banda bat osatzea.
ARAUAK