ZER DA HANGAUA?
HANGAUA Atxuri herri ikastetxeko gurasoen ekimen bat da, lehen hezkuntzako 1.- 6. mailetako umeentzat antolatzen dena.
HANGAUA heziketa-proiektu bat da; bere helburuak:
1.- Euskararen erabilera eskola-esparrutik haratago sustatzea.
2.- Natura ezagutzen eta errespetatzen ikastea.
3.- Laguntasuna eta taldeko elkartasuna garatzea.
NOLA GARATZEN DIRA HANGAUA PROIEKTUAREN HELBURUAK?
HANGAUA proiektuak zenbait jardueraren bitartez garatzen ditu helburu horiek:
a. Txangoak:
Ikasturtean zehar, hilean behin, domekan, HANGAUAk naturaren inguruan txango bat antolatuko du: mendira, kostaldera edo parkeren batera. Adin guztierako egokitutako ibilbideak izango dira eta, ahal den neurrian, eguneko eguraldia kontuan hartuta. Aurten, Bizkaia ezagutzeko, HANGAUA IBILTARIA proposatzen dizuegu. HANGAUAk txango horietan jarraitutasunez parte hartzea balioesten du, monitorearen eta neska-mutilen arteko ezagutza sustatzeko eta ekimenak bultzatzen dituen heziketa-balioen garapena errazteko.
b. Kanpamendua:
Ekainean, HANGAUAK 5 gaueko kanpamendua antolatuko du eta hau ikasturte osoan garatzen duen proiektuaren amaierako ekintza da. Beraren helburua da parte-hartzaile guztiek ikasturtean zehar erakutsitako inplikazioa (txangoetan izandako parte-hartzea) saritzea.
HANGAUAk antolatzen dituen jarduera guztiak aisialdirako heziketaren alorrean
trebatutako monitoreekin burutuko dira.
IKASTURTE HONETAKO DATAK
- Txangoa: URRIAK 28
- Txangoa: AZAROAK 18
- Txangoa: OTSAILAK 3
- Txangoa: MARTXOAK 10
- Txangoa: APIRILAK 7
- Txangoa: MAIATZAK 26
KANPAMENDUA: Ekainaren 23tik 28ra
INFORMAZIO GEHIAGO: hangauaatxuri@gmail.com